Kunning viðvíkjandi COVID-19

Góðu viðskiftafólk!

Vit hava opið sum vanligt – tó arbeiða vit í toymum.

Vit taka tilmæli og fráboðanir frá mynduleikunum í størsta álvara soleiðis, at bæði okkara starvsfólk og viðskiftafólk kunnu kenna seg trygg.

Vit hava sett fylgjandi reglur í verk:

  • Vit heita á okkara viðskiftafólk, at halda passandi fjarstøðu
  • Tikið verður ikki ímóti reiðum peningi. Vinarliga gjaldið við korti.
  • Øll á verkstaði okkara arbeiða í handskum, sum verða skiftir eftir hvørt arbeiði. Somuleiðis verða amboð vm. sprittað eftir hvørt arbeiði.
  • Tá ið bilar verða koyrdir inn og út av verkstaðnum, verður sprittað og turkað eftir róðri, gearstong og hondbremsu.

Lykilin til bil tygara verður sprittaður.

Audi kosið sum besta bilmerki í Danmark í 2019

Greiningarstovan Voxmeter kjósir árliga tey bestu bilmerkini grundað á 68.000 samrøður við bileigarar, og Audi vísti seg sum greiður vinnari í 2019. Heili 78% av Audi-eigarum viðmæla sostatt bilmerkið til sínar vinir og kenningar.

Les meira

Bilasølan yvirtikið Škoda í Føroyum

Bilasølan hevur fingið eitt merki afturat í sín flota. Talan er um Kekkiska stórmerki Škoda.

Škoda varð stovnað heilt afturi í 1895 undir navninum Laurin & Klement. Í 1925 yvirtók ein tann størsta ídnaðarfyritøkan í Europa, um hetta mundið, Škoda Works bilmerkið og broytti navnið til tað, vit kenna í dag – Škoda. Í 1948 gjørdist felagið partur av kommunistiska ætlanarbúskapinum inntil tað varð privatiserað aftur í 1991 – og fór í samstarv við týsku risabilverksmiðjuna Volkswagen Group.

Í 2000 keypti Volkswagen Group øll partabrøvini í Škoda, og telist tað nú ímillum tey mest seldu merkini í Europa.

Bilasølan hevur frá 1. januar 2020 yvirtikið alla sølu og tænastu hjá Škoda í Føroyum.

Sertilboð á Mazda6

FYRR kr. 398.000,- NÚ einans 298.000,- !!!

Vit hava tveir Mazda6 Sedan Premium 2.0 bensin 165hk á goymslu, og vit lata teir fyri spottprís. Tú fært heili 100.000 kr. í avsláttri!

Bilarnir eru sera væl útgjørdir. Teir hava m.a. automatisk gir, 2-sonu automatiska klimaskipan, fartpilot, parkeringssensorar, dekktrýstansing, regn- og ljóssensorar, LED lyktir, tónaðir rútar, Bluetooth og multifunktiónsleðurróður. Harafturat eru teir eisini rustviðgjørdir.

Kom ein túr á Bilasøluna til eitt bilprát og ein royndartúr.

Vit sóknast eftir lærlingi til plátu- og lakkverkstaðið

Hevur tú hug at arbeiða í einum spennandi og fjølbroyttum umhvørvi, við nýggjum avbjóðingum hvønn dag? Og vilt tú sleppa undan at gjalda landsskatt av tínum fyrstu 50.000 kr. árliga? So er hetta kanska júst rætta starvið til tín!

Vit sóknast eftir einum lærlingi, sum plátusmiður, ið er:
• samstarvssinnaður
• álítandi
• røkin

Tú verður partur av einum vælvirkandi, arbeiðssomum og dugnaligum toymi. Vit stremba eftir at veita bestu tænastu til kundan, og har kundanøgdsemi og góðska er í hásæti.

Fleiri upplýsingar fáast við at venda sær til Rógva Danielsen, verkførara, á tlf. 239730.

Umsóknin skal sendast til prolakk@prolakk.fo

Starvið verður sett skjótast gjørligt.

T-Cross er komin til landið

Nógv eftirspurdi mini-SUV’urin hjá Volkswagen er nú komin til Føroyar. Kom ein túr inn á gólvið hjá okkum og síggj og royn henda fitta bilin.

Tú kanst eisini lesa meira um T-Cross her.

Heilsa uppá
“nýggja Volkswagen”

Í vikuni avdúkaði Volkswagen nýtt búmerki og nýtt vørumerki sum heild. Búmerki líkist tí undanfarna, men er einklari og skal vera við til at flyta Volkswagen inn í eina meira veðurlagstilvitaða framtíð.

“Nýggja vørumerkið er byrjanin uppá eitt nýtt tíðarskeið fyri Volkswagen,” sigur Jürgen Stackmann, nevndarlimur.

“Við at stíla fyri nýggjum vørum og við nýggjum tænastum, fer vørumerkið undir eina grundleggjandi menning ímóti einari framtíð við nevtralum útláti til øll. Tíðin er komin til at vísa heiminum hvat okkara vørumerki stendur fyri.”

Mazda CX-30 komin til Føroyar

Nýggjasta modellið hjá japansku risa-bilverksmiðjuni er júst komið til landið. Tað kallast CX-30 og liggur ímillum CX-3 og CX-5 í stødd.

Les meira um bilin, og kom endiliga ein túr framvið at síggja og royndarkoyra hann.

Audi e-tron

Tann fyrsti fullelektriski Audi-bilurin er komin til landið.

Bilasølan stuðlar Hondbóltsskúlanum

Í hesum døgum eru heimsmeistararnir Jóhan á Plógv Hansen og Michael Knudsen á vitjan í Føroyum.
Teir eru vælkoyrandi við bilum hjá Bilasøluni.

Á myndini eru Jóhan á Plógv Hansen, Tróndur Sigurðsson og Michael V. Knudsen.

Ummælir av spildurnýggja
Volkswagen T-Cross

Nýggjasta modellið hjá Volkswagen, T-Cross, kemur til Føroya einaferð seinni í vár. Talan er um ein Crossover SUV í Polo-stødd. Fá betri innlit í bilin við at hyggja eftir video-ummælunum til vinstru og við at lesa meira um hann við at trýsta á leinkjurnar niðanfyri:

Bil Magasinet ummælir | FDM ummælir

Nýggi Mazda3 er komin til landið

Nýggjasta útgávan av Mazda3 er nýggj úr einum enda í annan. Bilurin er bygdur á ein spildurnýggjan platform og er nógv meira premium enn nakrantíð áður. Síggj meira um hann til høgru og les eitt ummæli, sum Bil Magasinet gjørdi í november-mánaði í fjør við at trýsta á leinkuna niðanfyri:

Bil Magasin ummælir

Kom og royn nýggja Audi Q3

Nú er nýggja modellið av Q3 komið til landið. Kom framvið til ein royndartúr.