• Audi A4
    allroad quattro

Príslisti
Útgerð
Faldari

Livandi allrounder.

Audi A4 allroad quattro.

Audi A4 allroad quattro hevur eina serliga støðu við síni stóru fríhædd, fríu sniðgeving og høga virkisføri. Bilurin fær sína offroad-góðsku frá samansetingini av fýrahjólsdráttinum, sum er standardútbúnaður í quattro, einum sterkum motori og allroad-sermerkta botninum.

Makaleys útsjónd

Dentur verður lagdur á útsjóndina við offroad-eginleikunum hjá Audi A4 allroad quattro við eini sermerktari sniðgeving uttaná. Hjólkassarnir eru avmerktir og týðiliga undirstrikaðir við sama liti sum stoytdoyvararnir framman og aftan og gátturnar. Sum standard eru hesir lutirnir, sum eru eyðkendir allroad lutir, lakeraðir í litinum ‘structural grey.’ Sum eykaútgerð kanst tú harafturat velja lakkering við metallakki – ella litin á bilinum. Hjólini eru 12 mm størri enn á grundmodellinum, og hetta gevur eyka sporbreidd bæði framman og aftan. Gongufólk-verjan og tann serligi diffusor við integreraðum, trapetsskapaðum útstoytum er nakað, ið fangar eygað á bilinum aftan. Tann stóra singleframe-kølaraverjan við loddrættum lammellum framman er eisini nakað, ið fangar eygað.

Vissa fyri koyrigleði og komfort

Audi A4 allroad quattro hevur botn- og drivlinju-tøknifrøði, sum ger lendiskoyring til eitt spæl. Fýrahjólsdrátturin quattro, sum er standardútbúnaður, gevur bilinum eitt gott vegfesti og høgan koyridynamikk. Við allroad-eyðkenda standardbotninum liggur Audi A4 allroad quattro 35 mm hægri enn grundmodellið, og teir tveir 5-liðaðu lættvektsásarnir hava størri kvikleika við sær. Gerið offroad-eginleikarnar uppaftur betri við stoytdoyvarastilling (eykaútgerð), sum lagar bilin elektroniskt til ymiskar umstøður. Við ‘Audi drive select’ sum standardútgerð kanst tú sjálvur ávirka koyriupplivingina: Tá tað stendur á ‘offroad,’ verða parametrar so sum motor- og gearkassastýring, stýrigreiður og botnur lagað eftir at koyra í ymiskum lendi. Audi A4 allroad quattro¹ hevur ein sterkan 2.0 TFSI-motor við 245 hk og eitt hægsta snúningsmoment á 370 NM.

Rúmlig og dygdargóð – kabinan

Í kabinuni á Audi A4 allroad quattro eru plássviðurskiftini merkisverd og við eini innrætting av ymisku luteindunum, sum eru sniðgivin fyri at fáa sum mest burturúr ljósviðurskiftunum og plássinum. Sum eitt dømi dregur luftdýsupanelið sum heild breiddina av bilinum fram, har ein kromlisti oman fyri panelið setur ein ekslusivan dám á. Eitt stórt goymslurúm í miðkonsollinum hevur eitt praktiskt goymslupláss við sær. Kabinuljósið, sum er standardútbúnaður, fevnir um lesilampur, sum tú kanst stilla við sensorum frammanfyri. Setið ein eyka fjálgan dám á við einum av ambienteljóspakkunum (eykaútgerð).

Slóðbrótandi tøknifrøði

Vegna eitt intuitivt nýtslukonsept við touchvirkni og natúrligari málsamvirkan, er Audi A4 allroad quattro lættur at handfara. Tá tað snýr seg um infotainment, kanst tú sum eykaútgerð velja tøknifrøði, sum t.d. ta talgildu instrumenteindina ‘Audi virtual cockpit plus.’ 12,3” skíggin beint framman fyri tær vísir týdningarmiklar funksjónir týðiliga og í fullari HD-upploysing, íroknað ferð og snún./min. Ymiskir smálutir í eykaútgerðini, sum t.d. ‘Audi connect Lykil’ og ‘Audi phone box’ sameinir tína smartphone í bilinum.

Virkisligur og eyðkendur

Ein annar visuellur munur við Audi A4 allround quattro er hansara framtøkna ljósdesign. Standardútgerðin fevnir um forlyktir við LED-tøknifrøði. Tær geva trygd fyri einum dygdarljósi um dagin, so skjótt tær eru tendraðar. Sum eykaútgerð kanst tú velja Matrix-LED-forlyktirnar við dynamiskum ljósi og dynamiskum blunkljósi. Matrix-LED-tøknin sameinir eina myndatólskipan við LED-ljóskeldum og neyvum optikki. Hetta ger tað møguligt hjá skipanini at blenda niður fyri mótvegis ferðsluni, samstundis sum alt hitt økið av vegnum fær nokk av ljósi. Tá ið tú læsir bilin ella letur hann upp, sært tú hetta stórfingna, dynamiska ljósdesign, sum ein kennir væl aftur. Aftan eru LED-ljósini eisini at fáa við dynamiskum ljósi og dynamiskum blunkljósi sum eykaútgerð.