• Volkswagen
    ID.5

Tann til fulnar elrikni ID.5

Við megnar elektriskum avrikum og sum ein flótandi skuggamynd er tann nýggi ID.5 ein nýmótans samanseting av SUV og Coupé. Møguleiki fyri fjarskiftis-dagføringum og klárur at seta upp ein standard fyri eldrivið flytføri.

ID.5 fær toppkarakter í øllum trygdarkanningum

ID.5 er annað enn bert ein eSUV coupé í eini dynamiskari skuggamynd við sniðfundigum, frálíkum koyrieginleikum. Trygdin er í hásæti. Tá ið viðurkenda Euro NCAP-trygdarkanningin var avgreidd, hevði ID.5 fingið høg stig í øllum klassum og eina dreymabyrjan við fimm stjørnum.

ID.5, sum er tann seinasti Volkswagen, ið er bygdur á nýskapandi MEB-pallinum til elbilar, fekk flottar karakterir í øllum kanningarbólkum – serliga í bólkinum “ferðafólkavernd fyri vaksin.” Her fekk eldrivni ID.5 heili 93% av samlaða talinum av møguligum stigum.

Eksteriør & interiør

IQ.Light

Koyr í strálandi ljósi

Longu við fyrsta eygnabrái sært tú ta ektaðu vøruna, sum er at fáa sum eykaútgerð til tann nýggja ID.5: Nýskapandi IQ.LIGHT. Matrix-tøknin gevur tær møguleika at koyra við fjarljósi alla tíðina uttan at blinda onnur ferðandi. Eitt snotiligt ljósband millum tær snøggu LED-matrix-framlyktirnar og Volkswagen-búmerkið. Tað, sum vekir áhuga framman, má sjálvandi ikki mangla aftan: Pakkin fevnir um 3D-LED-bakljós (eykaútgerð) við animeraðum bremsuljósum og integreraðum, dynamiskum blunkljósum, sum vísa rætningin við eini flótandi ljósrørslu.

Panoramaglastak

Eitt ófatiligt útsýni

Við tí ómetaliga stóra glasflata, sum nærum fevnir um alla breiddina av takinum, virkar panoramaglastakið (eykaútgerð) í sjálvum sær sum eygnariv, nakað tú varnast beinanvegin. Og enn vakrari: Fría útsýnið upp í loft. Tónaða glasið hevur harumframt eitt fjálgt hitalag við sær. Rullugardinan verjir móti sterkum sólarljósi, og tað kanst tú til dømis stýra á ein makligan hátt við røddini. Tú kanst siga: “Hej ID., vis mig stjernerne,”* og so fer rullugardinan frá.

*Raddarstýringin er ikki tøk á føroyskum, men á m.a. donskum, týskum og enskum.

Viðfestiskrókur

Til øll, sum eru framfús

Vilt tú ikki vera nakað fyriuttan, tá tú ert á ferð? Viðfestiskrókurin, sum kann snarast elektroniskt við at trýsta á ein knøtt, gevur tær møguleikar fyri meira plássi til tað, sum tú gjarna vilt hava við tær. Viðfestiskrókurin er gjørdur til eina viðfestisvekt á 1.200 kg* (við bremsum), so tú kanst flyta nógvan ymiskan førning við tínum ID.5.

*Við 8 % brekku.

Ambienteljós

Ljós til ein og hvønn hýr

Gev tínum ID.5 meira persónleika. Til tað kanst tú velja millum 10 ymiskar litir sum standard (sum eykaútgerð eru 30 ymiskir litir at fáa) og fáa eitt varsamt ljós í kabinuni, millum annað á instrumentpanelinum, fartelefonhaldaranum og hurðunum. Um tú velur eitt kaldligt ella fløvandi ljós – valið er títt.

AR-head-up-display

Slóðbrótandi navigatiónsskipan

Í nýggja ID.5 varðveitir tú yvirlitið víðvíkjandi tí, sum hevur týdning fyri teg. Augmented-reality -head-up-display, sum er eykaútgerð, avmyndar týdningarmiklar upplýsingar beinleiðis á sjónarvíddina í forrútinum. Við augmented-reality-tøknifrøðini sært tú navigatiónina beinleiðis á vegnum og júst har, hvar tú koyrir beint fram ella skalt snara. Hetta gevur tær meira hvíld at koma á mál, tá tær ikki nýtist at hyggja burtur frá vegnum.

Tøknifrøði

Over-the-air-dagføringar

Vísir vegin. Tíðarhóskandi.

Dagføringar økja um virkisføri í talgildu skipanunum í tínum ID.5. Vegna fjarskiftisdagføringarnar kunnu hesar verða dagførdar sjálvvirkandi, t.d. um náttina, tá tú góðkennir dagføringina í tínari upplýsingarskipan. So er tín ID.5 fult dagførdur, og tú sleppir framat nýggjastu funksjónunum í tínum bili.

Íbindingarmøguleikar

Meira enn bits og bytes

Íbindingarmøguleikar frá Volkswagen geva tær meira av hentleikum, trygd og undirhaldi. Sambandið við internetið og snildfonina í tínum ID.5 hevur við sær, at tú kemur meira avslappaður fram á mál – men tú skalt framvegis sjálvur koyra bilin.

e-Sound/koyriupplivingin

Hesin bilurin ljóðar øðrvísi

Tað veldst um bilin, hvussu stillur ein elbilur er. Fyri at økja um ferðslutrygdina, er ID.5 við eini ferð upp móti 30 km/t stillari innanífrá og eitt sindur týðiligari at hoyra uttanífrá. Tað hevur við sær, at gongufólk lættari verða varug við bilin. Framtíðar samansetingin leggur dent á framskygda samleikan hjá bilinum – og hevur samstundis eitt eftirgjørt billjóð við sær, sum ger tað møguligt hjá fólki, sum eru til gongu ella á súkklu at hoyra teir nærum ljóðleysu elbilarnar.

Framdráttur

Elektrisk avrik til frama fyri koyrigleði

Tann nýggi ID.5 syrgir fyri, at tú fert at vera hugtikin av nærum hvørjum einasta túri, tú koyrir. Tí elmotorurin økir um ferðina dynamiskt og við fullum snúningsmátti frá byrjan av. Hann ger tað møguligt hjá tær at koma eitt stórt fet víðari á leiðini viðvíkjandi at hava minni av CO2-útláti.

Hitapumpa og at hava stýr á koyristrekkinum

Hitapumpan í ID.5 stuðlar tær, tá tað er kalt í veðrinum

Í nýggja, fullkomiliga elrikna ID.5 syrgir ein hitapumpa (eykaútgerð) fyri orkuvirknari upphiting av kabinuni. Tann sparda orkan hevur jaliga ávirkan á samlaða koyristrekkið.

Tann nýggi ruturáðleggjarin í ID-familjuni hjálpir tær í gerandisdegnum. Hann sameinir yndisløðipunkt í navigatiónsskipanini, so at mest fæst burtur úr rutuni og løðingartíðini. Tú fert at uppliva, at nýskapandi tøknin ger nógv ting í gerandisdegnum lættari.