Til øll, sum dáma væl tað sportsliga, kemur tann nýggi Taigo sum R-Line við úrvalsútgerð og við sniðgávu-, heintleika- og tøkniupplivingum, sum hevur eina serstaka útsjónd við sær – bæði uttan og innan.
Fyri okkara kundar, sum leggja dent á tað sportsliga, verður sniðgevingin “Black Style” til R-Line júst tann rætta. Við henni leggur tú afturat tínum Taigo: 18” lættmetalfelgurnar “Misano” og síðuspegl-hylki í svørtum, útstoyt í trapetsskapi umframt kølaraverjulistar, sum eru svartir sum náttin. Tónaðu síðurútarnir og tónaði bakrúturin fullfíggja útjóndina á bilinum.
Tann nýggi Taigo sameinir sterk mál og stórfingna sniðgeving á besta hátt. Tú gert sjálvur av, hvussu tað skal síggja út. Hvat sigur tú t.d. til eitt svart tak samsvarandi svartlakkeraðum síðuspegl-hylkjum? Takpakkin er at fáa sum eykaútgerð til útgerðargreinina Style – íroknað tónaðir síðurútar og tónaðan bakrút.
Longu við fyrsta eygnakast er Taigo sportsligur og nýmótans. Ein optisk uppliving: Snøgga LED-ljósglæman, sum spennir um allan frontin til Volkswagen-búmerkið, teingir hana saman við tær tilhoyrandi IQ.Light-LED-Matrix-forlyktirnar* við einum bergtakandi ljósfrámerki. Tokuforlyktirnar eru feldar inn í síðuna av tí breiða kúfangaranum.
*Eykaútgerð til útgerðargreinina Life, vanligur útbúnaður í útgerðargreinunum Style og R-Line.
Sneiðandi sniðgevingin aftan við nýmótans bakljósfrámerkinum er eisini sportslig. Coupé-sniðgávan verður eyka týðilig vegna smølu, myrkareyðu LED-baklyktirnar við gjøgnumførdari ljósrípu – og vísir frá tí eyðsýnda takkantinum og niður til tað dynamiska hekkuvelið, at tann nýggi Taigo eisini akkurát sum einki leggur gerandisdagin afturum.
Á vegnum snýr tað seg um at hava ans fyri tí, sum hevur týdning. Kombiinstrumentið Digital Cockpit er standardútgerð og vísir tær tað klassiska innihaldið, sum t.d. ferðmátaran og kilometrateljaran á einum 26,04 cm stórum litskermi við høgari upploysing. Við Digital Cockpit Pro kann sýningin á tann 26,04 cm stóra skermin laga seg eftir tínum persónligu ynskjum. Tú kanst t.d. velja at síggja tínar føraraassistentskipanir optiskt – ella velja eina samanseting av navigatiónskorti og miðlavísing – alt í flottum grafikki og við animatiónum.
Kabinan í tí nýggja Taigo býður tær vælkomnum. Við einum úrvaldum softtouch-instrumentpaneli sum standard – og sum eykaútgerð enntá við litaðum, innfeldum prýði í útgerðargreinini Style. Frá útgerðargreinini Life kanst tú lættliga løða tíni tól á baksetrinum í USB-støðini í miðarmhvíldini millum forsetrini. Harumframt vísir fleirvirkisrattið í leðri, sum er standardútgerð frá útgerðargreinini Life, at alt í hesi kabinuni er í einum dagførdum lívsstíli.
Tað óbeinleiðis ljósið í teimum fremstu handtakunum, prýðislistunum í hurðunum og instrumentpanelinum, sum er standardútgerð í útgerðargreinini Style og R-Line, setur ein fjálgan dám á kabinuna. Har er eisini nakað fyri eygað at skoða: LED-lesilampurnar framman og aftan, sum eru at fáa sum standardútgerð frá útgerðargreinini Life, umframt LED-fótrúmsljósið, sum við standard í útgerðargreinini Style og R-Line gevur eitt yvirlit, tá farið verður inn í bilin.
Hevur tú altíð ein løðikaðal hjá tær, tá fartelefonin manglar streym á ferðini..? Í tí nýggja Taigo nýtist tær ikki at hugsa um tað. Tú skalt bert leggja tína fartelefon í fremsta goymslurúmið, har hon verður lødd tráðleyst. Tað er tó ein treyt, at hon riggar við QI-standard, og at tú frá útgerðargreinini Life hevur valt DK-Komfortpakkan.
Nú nýtist tær ikki longur at leita eftir billyklinum í buksu- ella jakkalumma – ella í taskuni: Bara tú hevur lykilin við tær og ikki ert longur burtur frá tínum Taigo enn 1,5 m, kanst tú sum ein part av DK-Komfortpakkanum automatiskt lata hurðar og baklúku upp – reinur gandur. Tær nýtist heldur ikki lykilin at seta motorin í gongd. Tað verður einfalt gjørt við bert at trýsta á ein knøtt. Og um Keyless Access ikki virkar, so er tað tí tú ikki hevur lykilin við tær. Hann liggur kanska heima á køksborðinum..?
Bakkmyndatólið RearView (íroknað DK-pakkanum frá útgerðargreinini Life) íroknað reingerðarfunktión gevur tær yvirlit, tá tú bakkar: Á skíggjanum í infotainment-skipanini sæst økið aftan fyri bilin, sum myndatólið avmyndar. RearView vísir harumframt hjálparlinjur, sum ger tað lættari hjá tær at meta rætt um frástøðuna.